Welkom by PENdit.za

Vir talentvolle Afrikaanse skrywers wat graag hul werk wil publiseer en met ander wil deel

Wat bied ons aan?

Wil jy graag as skrywer jou manuskrip in boekvorm sien? Drome word waar by PENdit.za. Afgesien van ons verskeie dienste, kan ons jou boek publiseer. Ons sal jou boek proeflees, redigeer en selfs die uitleg hanteer en buiteblad ontwerp. Ons kostes vergelyk uitstekend met die mark aangesien ons ons pryse kan aanpas. PENdit.za se publikasie – VLERKE – is deur ons lede as een van die beste publikasies vir 2018 aangewys. Dus is jou manuskrip in goeie hande.

Blootstelling aan Uitgewers

Blootstelling aan Uitgewers

Ons lede word in die kollig geplaas en aan groot uitgewers bekendgestel. Dus is ons goedgekeurde lede en hul skryfwerk van hoogstaande gehalte.
Ons blad word aan verskeie platforms gekoppel om jou meer blootstelling te gee. Dus stel ons voor dat ALLE SKRYFWERK eers geproeflees word alvorens dit op hierdie blad verskyn. PENdit.za Prima-lede trek groot voordeel uit ons Skrywersprofielblad.
Registreer by ons en sien jou skrywe pronk op 'n rak!

Slypskool

Ons bied 'n slypskool aan met unieke modules om jou as skrywer te slyp.
PENdit se aanbieders is nie net gewillige leermeesters nie, maar ook goeie skrywers wat met raad en daad dwarsdeur die slypskool advies verleen. Werkstukke word verskaf waar lede hulle nuutgevonde kennis kan toets. Hulle word ook aan hierdie werkstukke geëvalueer.
Daar word van lede verwag om aan die einde van die slypskool ʼn kortverhaal van ongeveer 1,500 woorde in te handig. Die beste verhaal kom in aanmerking vir publikasie.

Publikasies

Stories, kortverhale en enige ander manuskripte kan gepubliseer word onder die vaandel van PENdit.za. Ons plaas ook gekeurde werke van ons lede op hierdie blad.
Kompetisies word gereeld geplaas. Wenners van hierdie kompetisies se werk word gepubliseer deur PENdit.za in bundels soortgelyk aan ons eerste Keurbundel – VLERKE – wat op ons webblad geadverteer word. Erkenning word ook aan lede verleen in die vorm van ’n besonderse sertifikaat.
Ander instansies wat soortgelyke kompetisies bied waar prysgeld en ander pryse aangebied word, word ook op hierdie webblad geadverteer. Hou gerus ons plasings dop.

Ons PENdit.za Span

Ons stel ons graag aan jou voor.

Kommentaar van ons lede

Hierdie is die BESTE webblad om jouself bloot te stel aan uitgewers en ook om jou werk te publiseer. Ek het geweldig baat gevind by hul slypskool - Belinda Blignaut

img

Ons slypskool maak gebruik van die beste module wat verskeie onderwerpe dek, onder andere, beplanning van verhaal, vertrekpunte, persoonsvertellers, karakters en dialoog - om net 'n paar te noem. Verryk jou kennis - laat jou pen praat.

Ronel Dunn & Bets Koen - Slypskoolsaamstellers en -aanbieders

PENdit.za Nuus

Lees net goeie nuus hier. Kompetisies, uitdagings en brokkies sal gereeld hier verskyn.

RSG en Sanlam Radiodrama-skryfkompetisie


Hierdie is jou kans om groot pryse te wen!

Kopie vanaf RSG webwerf:

Die RSG en Sanlam Radiodrama-skryfkompetisie is vanjaar 23 jaar oud met prysgeld ter waarde van R90 000. Die wendrama sal vanjaar R35 000 ontvang, terwyl die tweede en derde plek met prysgeld van onderskeidelik R25 000 en R15 000 bekroon sal word. Die Jong Skrywer (jonger as 30 jaar) sal ook R15 000 ontvang. Buiten die prysgeld word die wendramas ook op RSG uitgesaai.

Hier is ‘n kans om jou verbeelding vrye teuels te gee en boonop jou storie op radio te hoor. Klik hier op die log (links) vir ‘n paar skryfwenke oor hoe om vir die radio te skryf. Bly ingeskakel op RSG vir die aankondiging oor twee gratis skryfskole wat in onderskeidelik in Kaapstad en Johannesburg aangebied sal word.

Die sluitingsdatum vir die 2019-kompetisie is Woensdag 31 Julie. So, opskud en sleep sommer nou die sleutelbord nader!

Luister na ‘n virtuele radiodrama-slypskool, aangebied deur RSG se uitvoerende regisseur: drama, Kobus Burger: www.rsg.co.za/images/upload/sound/klanke/20130509_RADIODRAMASLYPSKOOL.mp3

Lees artikel in radiodramaformaat oor RSG se radiodramaslypskool by die Suidoosterfees:
www.litnet.co.za/Article/suidoosterfees-2014-radiodrama-slypskool-in-samewerking-met-rsg

CIRCA – PENdit.za SE DERDE KEURBUNDEL


 

 

DERDE KEURBUNDEL

OOR DIE EEUE HEEN

PENdit.za se derde Kortverhaalbundel,CIRCA,  handel oor die verskillende tydperke vanaf die steentydperk, barok, middeleeue, lighartige 1920’s, flambojante en rock ‘n roll 1950’s, die waaghalsige hippie en mini 1960’s, asook die toekoms en legendariese fantasie.

Daar eers groot opwinding tussen ons lede! Die tydperk, Barok, is reeds gedek en tans is die lighartige 1920’s as uitdaging op ons Facebookblad geplaas. Die titel CIRCA verwys na die verskeie tydperke.

Daar word in detail aan die lede verskeie inligting verskaf wat as hulpbron dien. Hierdie hulpbronne dek die geskiedenis, verskeie belangrike persone, karakters, plekke en selfs artikels uit die tydperk.

 

Besoek gerus ons Facebookblad:https://www.facebook.com/groups/1916633848454903/

REGISTREER: http://pendit.co.za/registreer-vir-blootstelling-van-jou-skryfwerk/

 

CROYEZ LITERÊRE TOEKENNING – PENdit.za


Drie PENdit.za skrywers ontvang erkenning vir hul kortverhale

Ons lesers was baie beïndruk met die gehalte van die verhale wat ontvang is. En veral omdat dit deur opkomende skrywers voorgelê is – Zalman S. Davis, VOORSITTER

 

Erkenning is ontvang deur drie van ons PENdit.za skrywers vir hul inskrywings vir die CROYEZ LITERÊRE TOEKENNING Kompetisie. Bets Koen, Bianca Botha en Nico Schamrel se kortverhale word in hierdie besonderse bundel, titeld ‘n Sussue vir Simoné, gepubliseer.

‘Ons wil die volgende kompetisie weer gratis aanbied en meer mense bereik. Ons wil opkomende skrywers die geleentheid bied om hulle werk gepubliseer te kry, om blootstelling vir hul werk te kry en die heel
belangrikste: erkenning.’ alias Zalman Davis, samesteller en voorsitter van Croyez.

Die Croyez Literêre Toekenning-kortverhaalbundel sal binnekort beskikbaar wees om te bestel, maar word ampetlik die 13de Julie by die gala-aand te Alberton, Gauteng bekendgestel. Die bundel word deur ons affiliasie, Minimal Press, gepubliseer en sal deur hul verspreider na winkels versprei word – fisiese boekwinkels,
asook aanlynboekwinkels.

 

Die Croyez Literêre Toekenning was vanjaar gratis en sal volgende jaar ook gratis wees. Ons is afhanklik van ’n paar borge wat dit moontlik maak dat die kompetisie kan plaasvind. Ons wil groter hoogtes bereik, meer skrywers die geleentheid bied om hul skryftalent ten toon te stel.

Elke verhaal was op die volgende kriteria beoordeel:
•       Kreatiwiteit (40%)
•       Struktuur (20%)
•       Taalgebruik (30%)
•       Maggies-faktor (10%) (“Wow”)

 

Inskrywings vir die 2020 Croyez Literêre Toekenning open Maandag, 12 Augustus 2019 en sluit Maandag, 13 Februarie 2020.

Ondersteun ons skrywers deur om vir jou ’n kopie te bestel. Rig ‘n e-pos aan croyezlitaward@classicmail.co.za
’n Sussie vir Simone —— R200 (posgeld uitgesluit)
Minimal Press en die Croyez Literêre Toekenning se 2019-kortverhaalwedstryd vir opkomende skrywers word met die een-en-twintig stories – agtien Afrikaans en vier Engels – in ’n Sussie vir Simone afgesluit.
Vanjaar se beste stories van die jaar – soos saamgestel deur Zalman S. Davis – belig uiteenlopende temas soos liefdesteleurstellings, die dood, humor, reissketse, en nog vele meer.

https://www.facebook.com/thecroyezlitaward/

https://www.facebook.com/groups/1916633848454903/