Welkom by PENdit.za

Vir talentvolle Afrikaanse skrywers wat graag hul werk wil publiseer en met ander wil deel

Hoe begin jy om ’n boek te skryf?

Hoe begin jy om ’n boek te skryf?

Hoe begin jy om ’n boek te skryf?



Hoe begin jy om ’n boek te skryf?

Begin by die begin en volg hierdie goeie raad van ’n bekende skrywer, Rachel du Bois. Ons plaas dit met erkenning en krediet en het sekere inligting van belang bygevoeg.

  1. Jy moet eerstens weet in watter genre jy wil skryf. Daar word onderskeid gemaak in genrefiksie :
  • Misdaad-fiksie
  • Fantasie
  • Wetenskapfiksie
  • Rillers
  • Romantiese ontspanningsfiksie – romanse en liefdesromans verskil van mekaar
  • Historiese romans
  • Chick-lit
  • Christelike romans
  • Kinder-en jeugboeke
  • Poësie

Gaan lees meer hieroor in Die Afrikaanse Skryfgids –  saamgestel deur Riana Scheepers en Leti Kleyn. Neem ook deel aan ’n slypskool soos wat PENdit.za aanbied. Vra raad – dit is gratis!

  1. Skep ’n raamwerk vir jou storie met die volgende kolomme:
  • Hoofkarakter/s – hier skryf jy alles oor jou hoofkarakter neer.
  • Sub-karakters – Doen dieselfde vir soos bo vir elke sub-karakter en maak  seker dat jy weet watter rol hy/sy/hulle gaan speel in die storie. Hoe meer karakters hoe meer verwikkeld raak jou storie en hoe meer moet jy kophou.
  • Plek waar jou storie afspeel – Land, dorp, stad, ens.
  • Tyd as dit nodig is, byvoorbeeld: vir ’n historiese roman – jaar. Let op na die seisoene / kleredrag / geskiedkundige gebeure.

Hoekom is ’n raamwerk nodig?

  • Jy leer jou karakters kenJy moet hulle soos die palm van jou hand ken, elkeen van hulle – waarvan hulle hou, wat hulle haat, wat hulle dryf, waar hulle vandaan kom, waar hulle woon en werk, hoe hulle grootgeword het, wie belangrik was in hul vroeër jare, wat hul beroep is, waarheen hulle mik, waaroor hulle droom, wat keer of weerhou hulle daarvan om hul droom te bereik, vir wie is hulle lief, hoe lyk hulle, wat haat hulle, wat irriteer hulle, ens. Jy kan nie met halfgebakte karakters ’n storie skep nie. Jy gaan in elkeen van hulle se kop inklim en hulle word terwyl jy skryf. Jy gaan dink, doen, sê, voel, ruik, sien, hoor en proe wat hulle dink, doen, sê, voel, ruik, sien, hoor en proe.
  • Dit skep vir jou ’n prentjie van die mense waaroor jou storie gaan
  • Dit sê vir jou teen watter agtergrond jou storie afspeel
  • Dit sê vir jou waar en wanneer jou storie afspeel
  • Dit skep die ruggraat van jou storie – jy moet weet waar wil jy met die storie heen
  • Dis ’n uiters belangrike verwysingsdokument– dit sal bv. keer dat jy jou hoofkarakter nie aan die begin van jou storie Piet Vermaak noem en later deur die storie Peet Veldskoen nie. Dit sal keer dat jy nie sê die storie speel in Braamfontein af maar later word dit Bloemfontein nie.
  1. Besluit hoe lankjou boek gaan wees – kyk op die internet na kort stories, romans, sagas, ens. Daar is klaarblyklik nie eenstemmigheid oor die hoeveelheid woorde nie. Tradisionele uitgewers soos Lapa Uitgewers vereis bv. 44000 woorde vir hul Romanza reeks en 70000 of meer woorde vir ’n roman, maar daar bestaan nie konsensus oor lengte nie. Jy kan dus jou boek so lank of so kort maak as wat jy wil omdat jy dit self gaan uitgee.
  2. Skryf: jou woordeboek (HAT, Die Afrikaanse Woordelys en Spelreëls) is langs jou op jou tafel, want jy kan nie ’n storie skryf wat vol spel- en taalfoute is nie. Om die rede offer PENdit.za proeflees dienste, asook teksredigering om jou van hulp te wees.
  • Waaroor gaan jou storie?
  • Oor wie gaan jou storie?
  • Wat gebeur hier?
  1. Dis belangrik dat jy van die begin af let op die tegniese aspekte van jou dokument:
  • Skryf altyd op A4 grootte
  • Skryf in Times New Roman .12pt font
  • Skryf in dubbelspasiëring
  • Moenie jou dokument “format” nie.
  • Begin elke eerste paragraafvan ’n hoofstuk teen die kantlyn en keep van daar af elke daaropvolgende paragraaf in tot aan die einde van die hoofstuk.
  • Gebruik die Ascii tabel vir kappies, deeltekens, koppeltekens, ens. Jy sal dit gratis van die internet kan aflaai. E-boeke vereis dit. Maak ook gebruik van ’n elektroniese spel-program soos WSpel (gratis vanaf die internet en die skakel verskyn onder die pos :http://pendit.co.za/slypskool-vir-skrywers-unieke-modules-vir-skrywers/hulpbronne-vir-skrywers-skakels-na-hulpbronne-vir-talentvolle-skrywers/
  • Jy kan regmaak soos wat jy skryf.
  • Skryf elke dag ten minste 1000 woorde.
  • Kry vir jou ’n plek waar dit stil en rustig is en waar jy kan konsentreer.
  • Maak klaar waarmee jy begin het.
  1. Lees en verstaan die genre waarin jy wil skryf. Daar is uitstekende boeke wat maklik verstaanbaar is. Ek beveel die volgende boeke aan vir romantiese ontspanningsfiksie:

Writing fiction for Dummies – Randy Ingermanson & Peter Economy

Writing a Romantic Novel – Donna Baker

Dis uiters belangrik dat jy boeke gaan lees oor hoe om te skryf.  Daar is baie uitstekende boeke oor hoe om te skryf. Ek beveel die volgende boeke aan:

Die Afrikaanse Skryfgids –  saamgestel deur Riana Scheepers en Leti Kleyn

How to structure your novel – K M Weiland

Write your novel from the middle – James Scot Bell

  1. Besoek die webwerwe van bekende uitgewers soos Lapa, Human en Rousseau, NB Uitgewers, en vergewis jouself van hul vereistes. Al gaan jy jou boek self uitgee, is daar universeel aanvaarde reëls by die skryf van boeke. Onthou PENdit.za bied dienste om die pad saam met jou te loop van begin tot einde – ons kan jou help om jou boek te druk as uitgewer.
  2. Lees alles wat jy in die hande kan kryLees die boeke van skrywers wat skryf wat jy wil skryf.
  • Kyk wat skryf hulle.
  • Kyk hoe skryf hulle.
  • Kyk na hul taalgebruik– jy wil ’n kwaliteit produk op die rak sit, nie een wat in SMS taal geskryf is nie. Weereens die belangrike aspek van proeflees!
  • Kyk hoe lyk hul PENdit.za kan jou boek se omslag ontwerp en die boek uitleg doen!
  • Kyk na die agterbladteks want jy gaan dit nodig kry vir jou eie boek. Selfs hiermee is PENdit.za van goeie hulp – dít is wat jou boek verkoop. Ons beskik beslis oor die nodige ondervinding.
  1. Besluit of jy die boek wil laat druk. Vind solank uit wat dit sal kos. Onthou dat jy jou boek self wil uitgee en dit sluit bemarking en verspreiding in. As jy die boek laat druk, sal jy dit self moet versprei. Is jy bereid om die ekstra tyd en geld aan bestellings en posgeld te spandeer?

VRAAG: Vra jouself die vraag: wat gaan met die harde boeke gebeur as jou boek nie verkoop nie?

 

ONS DIENSE:http://pendit.co.za/skrywers-dienste-vir-proeflees/

 

FACEBOOK: https://www.facebook.com/groups/1916633848454903/

admin

You must be logged in to post a comment