PENbrief

NUUS: My Gebed vir ‘n Boer

PENbrief se nuuste verslag! NS Liefdesdiens / NS Act of Love se eeste projek, ‘n gebedebundel vir ons boere, is tans by die drukkers!

MY GEBED VIR ‘N BOER is saamgestel deur gebede en skrywes van sommige van ons lede, die publiek en meer as sestig bekendes van Suid–Afrika. Die fondse uit verkope sal aangewend word om saloffers van plaasaanvalle te help.

Hierdie gebedeboek het goeie mediadekking ontvang van Maroela Media, JouRadio, LuisterFM, sosiale media en verskeie koerante. Die proeflees en tipografie is deur Bets Koen en Ronel Dunn behartig. PENdit.za is trots om deel te kon wees van hierdie besonderse projek.

Dit is die eerste keer in Suid-Afrika se geskiedenis dat soveel bekendes saam met die publiek bid vir die veiligheid van ons boere, asook die mense van ons pragtige land. Die samesteller van hierdie boek, Nico Schamrel, het tien maande aan hierdie projek gewerk, met Anneline Kriel-Bacon as die ambassadeur van die projek en Leonard Arendt as assistent.

“Dit was nie ‘n maklike pad nie, maar dit was elke tree die moeite werd. Soveel bekendes was gewillig om by te dra gedurende ‘n tydperk waarin hulle self geswoeg en sweet het om ‘n inkomste te verdien,” vertel Nico.

Dit is nou jou beurt om hierdie projek te ondersteun deur hierdie boek aan te skaf! Hou gerus die sosiale media en die pers dop!

Lees berig deur Maroela Media hier: https://maroelamedia.co.za/afrikaans/boeke/bid-saam-vir-boere-plaasaanvalle-in-die-gebedeboek/

Vir meer inligting: http://nicoschamrel.com/ns-liefdadigheid-charity

SPLINTERNUUT

Bets Koen – Wraak se angel – het so pas verskyn.

Waaroor gaan die verhaal?

Na ’n vlugtog oor land en see is daar vrede op die plaas waar die tulpe blom. Die vlugtog het egter ’n bloedspoor agtergelaat. ’n Man wat sy seun se dood wil wreek, is op Chris Rossouw se spoor. Maar Chris is skoonveld. Om Talina te ontvoer en as lokaas te gebruik, is die enigste oplossing.

Hierdie novelle vertel van haat en wraak – geregverdig of nie. Maar wraak kan soms ’n angel hê …

Lees gerus meer hier: http://www.hasepad.com/boeke/raak-se-angel/

KOSTER laat jou raai tot op die einde

Nico Schamrel se KOSTER is ‘n boek vol intriges, verraad, kranksinnigheid en verdoeseling, manipulasie en leuens.

Waaroor gaan dit? Spinnekopmense het kettings, slotte, boeie en pille waarmee hulle jou manipuleer tot jy ŉ leë dop is. ‘n Man se verlede word herbesoek toe ‘n vrou ‘n poskaart na hom bring en na die graf van ‘n vrou navraag doen. Alles lei tot ‘n skokkende einde wat jou woordeloos laat.

Prys: R140.00 (posgeld uitgesluit). Bestel direk by die skrywer: nicoschamrel@gmail.com

BESOEK: www.nicoschamrel.com

www.hasepad.com

Omslag: NS Kreatiewe Ontwerp – http://nicoschamrel.com/ns-kreatiewe-ontwerp

HASEPAD UITGEWERS SE NUWE INTREKKERS

‘n Hele paar nuwe skrywers het aangesluit by Hasepad Uitgewers, met interressante skrywes wat die aandag trek.

Judy de Bruin is in die fleur van haar lewe en ’n boorling van Port Elizabeth. Haar boek – Die Oord – is nou beskikbaar. SINOPSIS: Die 34-jarige rooikopmatrone, Beverley Meyer, erf ’n fortuin en eiendom van haar vervreemde oom. Die mede-erfgenaam is ’n vreemdeling. Wat is die vreemde erfgenaam se agenda en waar pas die aantreklike Wesley in die prentjie?

Lana Hitge: “Wie is ek?” vra jy my: Nee wat, jong – ek is sommer maar net gewoonweg ‘Lana Hitge’ – die mamma van twee baie lewendige amper-tieners. SINOPSIS: My Moer-by bundel bevat verhale van alle soorte en geure bymekaar gegooi tussen die woord-ritmes van hierdie vertellings, amper soos ‘n moer-by mengelslaai. Verhale wat jou laat lag, verhale wat jou laat wonder, verhale wat jou laat huil.

DIE GEVREESDE SINOPSIS!

HOEKOM JOU BOEKBESKRYWING (SINOPSIS / LOKTEKS) BELANGRIK IS

Die boekbeskrywing (lokteks of sinopsis) is die aanleiding waarom die leser jou boek moet koop. As dit reg gedoen word, dryf dit direkte boekverkope.‎

Daar is soveel voorbeelde van hoe boekbeskrywings lei tot groot veranderinge in verkope.. ’n Goeie voorbeelde, is JT McCormick se boek, ‎‎I Got There.‎

Ten spyte daarvan dat dit heelwat dekking gehad het en goeie resensies ontvang het, het dit nie soveel kopieë verkoop as wat verwag was nie. Nadat die sinopsis herskryf en foute reggemaak was, het alles in plek geval.

Verkope verdubbel – binne ‘n uur‎‎.‎ Dit is nie ongewoon nie. Dikwels is die beskrywing die faktor wat in die leser se gedagtes stol of die boek vir hulle is of nie.‎

As jy dit kan regkry, is die verkoop amper outomaties.‎ As jy dit verkeerd kry, kan baie min jou regtig red.‎

Onthou, mense is opsoek na ‘n rede om nié jou boek te koop nie, so om ‘n goeie boekbeskrywing te hê, is die sleutel om hulle te oorreed om jou boek te koop.

Sommige publiseerders vereis ’n sinopsis saam met jou manuskrip. Dit is ’n basiese opsomming van jou boek en behoort tussen 250 – 300 woorde lank te wees. Sommige groot publiseerders of uitgewers verlang ’n meer gedetailleerde opsomming en sal die woordtelling spesifiseer.

HOE OM ‘N BOEKBESKRYWING TE SKRYF‎

Soms kan dit meer stresvol wees as om die boek self te skryf, om met die regte woorde vir ‘n lokteks vorendag te kom. Moenie bekommerd wees nie, in hierdie artikel lei ons jou deur die belangrike punte wat jy in gedagte moet hou tydens die skryf van die lokteks vir jou boek, en gee jou ‘n eenvoudige lokteks-sjabloon wat verkope kan aanhelp en ‘n paar topverkoper voorbeelde vir verskillende genres.

DIE LOKTEKS is ‘n kort beskrywing van ’n boek wat gewoonlik agter in ‘n boek of in die boekomslag van ‘n hardebandboek voorkom. Vir e-boeke word die beskrywing op die aankoopbladsy van ‘n boek geplaas, tesame met die boekomslag en prys. Die hoofdoel van die boek is om lesers te lok en genoeg te boei om die boek te koop. Daar word dikwels na die sinopsis verwys as ‘n opsomming of bloot ‘n beskrywing van die boek.

KEN JOU GENRE: Elke genre verskil en die wyse hoe jy daaroor moet skryf. Gaan kyk gerus na die verskillende boeke op jou rak. Lees die lokteks om ’n beter idee te vorm. Kyk na verskillende lokstekste van gewilde boeke. Jy sal duidelik sien dat die lokteks van ’n moordverhaal, verskil van ’n roman.

GEE AAN DIE KOPER WAT HY SAL VERWAG: Die koper wil weet of hy sy geld gaan mors of is jou boek die moeite werd. Wat verwag ’n koper van ’n roman? Wat verwag die koper van ’n speurverhaal? Jy moet die koper met daardie inligting lok.

GRYP DIE KOPER SE AANDAG: Indien jou eerste sin vervelig is, het jy klaar jou koper verloor. Jy moet onmiddellik jou koper se aandag aangryp. Begin met iets dramaties, gebruik woorde / sinne uit jou boek om die koper se aandag vas te pen.

LOKTEK IS OM DIE KOPER TE LOK: ’n Opsomming van jou boek LOK nie ’n koper nie, maar om ’n rede te gee waarom die leser die boek moet koop is meer effektief. Hoe LOK jy ’n koper? Maak die koper nuuskierig!

SPEEL MET EMOSIES: Deur emosies te gebruik word die koper betrek by jou boek. Moenie dit oordryf nie, maar gee net genoeg aas vir die koper om te byt.

SKRYF IN DERDE PARTY: Die lokteks word altyd geskryf deur die derde party – tensy die lokteks geskryf word deur die hoofkarakter vir ’n spesifieke rede.

HOEVEEL WOORDE? So kort as moontlik, maar genoeg om die koper se aandag te trek. ’n Lokteks moet oor maksimum 100 – 150 woorde behels.

VOORBEELD:

Spinnekopmense het kettings, slotte, boeie en pille waarmee hulle jou manipuleer tot jy ŉ leë dop is.

‘n Man se verlede word herbesoek toe ‘n vrou ‘n poskaart na hom bring en na die graf van ‘n vrou navraag doen. Dit is verraad, kranksinnigheid en verdoeseling, manipulasie en leuens. Alles lei tot ‘n skokkende einde wat jou woordeloos laat.

(58 woorde). KOSTER – Nico Schamrel

Na ’n vlugtog oor land en see in Tulpe vir Talina (boek 1), is daar vrede op die plaas waar die tulpe blom.

Die vlugtog het egter ’n bloedspoor agtergelaat. ’n Man wat sy seun se dood wil wreek, is op Chris Rossouw se spoor. Maar Chris is skoonveld.

Hierdie novelle handel oor wraak aangevuur deur haat – geregverdig of nie.

Maar wraak kan soms ’n angel hê …

(68 woorde) WRAAK SE ANGEL – Bets Koen

MEDE SKRYWERS IS SUINIG?

Is jy suinig met komplimente? Deel jy ander se plasings oor hulle boeke?

Deur ander skrywers te ondersteun, dra jy by tot die groei van die Afrikaanse skrywe. Deur jou goedhartigheid om ‘n pos op Facebook te deel, bevorder jy daardie skrywer en ondersteun jy met bemarking. Elke skrywer wil graag sy boeke verkoop, maar ons almal weet hoe moeilik bemarking is onder die massa. Jou bydrae is van onskatbare waarde. Ons deel so maklik prentjies en lawwe videos, maar ons is traag om ‘n skrywer te bevorder.

Die een hand was tog die ander hand? Afrikaanse skrywers moet saamstaan en mekaar ondersteun – so bevorder ons die Afrikaanse verhaalkuns en laat ons ‘n erfenis agter vir ons kinders en kleinkinders.

DIE DUIMPIE: Moenie skaam wees om op daardie duimpie te klik nie. Niks sal met jou of jou toestel gebeur nie. Wat wel gaan gebeur is dat jy iemand se dag gaan opkikker!

Stel ‘n voorbeeld! Stel ‘n voorbeeld deur kommentaar te lewer op skrywers se plasings, komplimenteer hulle pogings, omslag, sinopsis en deel hulle pos. Nooi ander skrywers uit om jou voorbeeld te volg.

Die resultate? Indien ons hierdie wiel aan die rol kan kry – deur ander te help bemark en deel – sal ons vinnig opmerk hoe goed boeke kan verkoop. Uitgewers behoort ook mekaar te bemark en te vergeet van kompetisie. Plant eerder saam saad en pluk die vrugte van jou oes.